Kabanata 28: Madamdaming Pagtatapat

Tumayo na si Gwen sa kanyang kinauupuan at sinimulan nang ayain si Erik upang bumalik sa bahay nang maalala nito na hindi pa pala kumain si Erik.

“Maganda siguro kung umuwi na muna tayo, hindi ka pa pala kumain baka sumakit na naman ang ulo mo,” pag-aalala ni Gwen sa binatang kasama.

Pansamantalang nanahimik si Erik nang tatlong segundo habang nagpatuloy na naglakad si Gwen.

“Gwen, puwede mo ba ako hintayin?” biglaang tanong ni Erik na naging dahilan upang mapahinto sa paglalakad at muling lingunin ng dalaga.

“Oo naman hihintayin kita, hindi naman puwedeng maiwan ka dito sa parke, kaya tumayo ka na diyan at simulan na nating maglakad pauwi,” pag-aya ni Gwen na may kaunting pagbibiro.

“Hindi naman iyon ang ibig kong sabihin. Kung puwede mo ba akong hintayin hanggang sa makilala ko ulit ang sarili ko?” tanong ni Erik habang nakatingin kay Gwen.

“Paano kita hihintayin kong hindi ko nga alam kung bakit kita hihintayin at kung anong meron tayo para hintayin kita?” naguguluhang tanong ng da