TO THE RESCUE

Hindi alam ni Estacie kung ilang beses na siyang nawalan ng malay. Ang alam lang niya, mahapdi ang kanyang buong katawan. Nangangalay na rin ang kanyang dalawang braso na nakatali paitaas sa dalawang poste sa loob ng kwarto na pinag-dalhan sa kanya. Medyo hindi na rin niya maaninag ang tao na nasa kanyang harapan dahil sa dugo na humarang na sa kanyang paningin.

Alam ni Estacie na malabo pa sa bagong baha na Ilog na makita siya ng mga taga-Prekonville. Pero ng nga sandaling yun, sa kauna-unahang pagkakataon, naisip niya na sana, mahanap siya ni Eckiever.

Ang lalakeng kinaiinisan niya dahil ito ang dahilan kung bakit narito siya sa Prekonville. Ang lalakeng walang ibang ginawa kundi insultuhin siya. Lalakeng inakalang isa siyang magnanakaw. At higit sa lahat, ang lalakeng pinangarap niya noon, sa mundong ibabaw.

Tama. Ang dahilan kung bakit ganun na lang ang galit ni Estacie sa lalake ay hindi lang dahil sa ito ang dahilan at pinag-simulaan ng lahat. Tandang-tanda ni Estacie ang nga