AALIS NA SANA si Amanda pero bigla siyang hinila sa bewang ni Theo na para bang niyayakap mula sa likuran. Ramdam niya ang init ng katawan ng lalaki, maging ang mabilis na tibok ng kaniyang puso.
Malakas ang aircon sa loob ng opisina ni Theo pero parang wala iyon silbi sa init na nagmumula sa katawan nila. "A-Ano ba, Theo?" Halos pabulong na sabi ni Amanda, pilit na nagpumiglas kahit trinatraydor siya ng sariling katawan nang nagsimulang haplusin ni Theo ang katawan niya papalapit sa kaniyang dibdib. Idinikit ni Theo ang labi sa likod ng kaniyang kaliwang tenga. Ramdam ni Amanda ang pagpaypay ng mainit na hininga ni Theo doon na siyang nagdala ng nginig sa kaniyang katawan. Ngumisi si Theo. "Paulit-ulit ka sa pagbanggit ng divorce na 'yan, huh? Bakit? Sino na lang ang makakapag-satisfy sa 'yo sa kama kung 'di ako? Masyado kang mapagmalaki, Amanda." Nang gumalaw muli ang isang kamay ni Theo, napunta na iyon sa kaniyang pang-upo, pumisil doon na siyang ikinakusot nang bahagya ng kaniyang damit. Pero bago pa umabot sa loob ng palda niya ang kamay ni Theo, mabilis nang lumayo si Amanda dito at itinulak ito. Sinampal niya si Theo na siyang ikinaigting ng panga nito. "Anong karapatan mong gawin 'yan sa 'kin, Amanda?!" Hindi sumagot si Amanda at tumingin lamang ng masama kay Theo habang nanunubig ang kaniyang mga mata. Naiinsulto siya sa mga lumabas sa bibig nito. "Ako na nga itong nagmamagandang loob sa 'yo para mas maging maayos ang buhay mo tapos ito pa ang isusukli mo sa akin, Amanda?! Inuubos mo ang pasensya ko sa 'yo!" Pilit pinatatag ni Amanda ang sarili. "Theo, marahil minahal kita noon pero ngayon, natuto na ako. Hindi na ako ang kagayang noong Amanda na mabait at sunod-sunuran sa 'yo. Alam ko na ang tama at mali ngayon!" Mabilis na inayos ni Amanda ang sarili at lumabas ng opisina ni Theo kahit nanginginig pa ang kaniyang tuhod. "Hindi na ako gaanong katanga sa'yo ngayon, Theo," naibulong na lang niya sa sarili habang papalabas ng building. PAGKAUWI NI AMANDA, sinalubong siya ni Sylvia na may ngiti sa labi. Pero nang makitang hindi maganda ang mood ni Amanda ay kaagad nabura ang ngiting iyon. "May nangyari ba, Amanda?" May pag-aalala sa tono ni Sylvia. Kaagad umiling si Amanda at kumuha ng maiinom. "Wala, Ma. Pagod lang ako," sagot niya. Tumango si Sylvia kahit hindi siya gaanong convince sa naging sagot nito. Hindi na rin siya gaanong nag-usisa dahil baka totoo ngang pagod si Amanda. Iniba na lang niya ang usapan. "Kumusta ang kapatid mo? Natuloy ka bang dumalaw sa kaniya?" Tanong ni Sylvia. "Oo, Ma. Mukhang maayos naman ang lagay ni Kuya Armando doon." "Mabuti naman kung gano'n." "May ipinakiusap lang siya sa akin. Ipinapahanap niya si si Atty. Victor Hernaez. Ang sabi niya ay siya lang daw ang makakatulong sa kaniya para maabswelto ang kaso niya sa kulungan." Kumunot ang noo ni Sylvia. "Atty. Victor Hernaez? Parang narinig ko na ang pangalan niya noon. Pero kung sa kaniya tiwala ang kapatid mo, edi tulungan na lang natin siya." "Opo. Baka magpatulong na lang ulit ako kay Loreign." Umasim ang ekspresyon sa mukha ni Sylvia. Aware naman kasi si Amanda na hindi gaanong gusto ni Sylvia si Loreign dahil sa kabilaan nitong issue bilang model. Pero hindi na lang isinaboses ni Sylvia iyon. Ipinaghanda na lang niya ng makakain si Amanda. "May napansin ako sa 'yo lately, Amanda," ani Sylvia. "Ano naman 'yon, Ma?" "Parang pumapayat ka? Baka masyado mo nang pinupwersa ang sarili mo sa trabaho, ah? Uso ang magpahinga." "'Wag kayong mag-alala, Ma. Ayos lang ako," ani Amanda at nginitian ang stepmom. "Mabuti naman kung gano'n. At tsaka, hindi ba nag-apply ka sa training institution bilang tagaturo sa mga musician? Kumusta? Natanggap ka na ba?" Bumuga ng hangin si Amanda. "Hindi na lang ako tutuloy do'n, Ma. Maghahanap na lang ulit ako ng ibang trabaho." "Huh? Bakit? Anong nangyari roon?" Hindi naiwasan ni Amanda ang pagrolyo ng mga mata. "Kagagawan na naman ni Theo. Pinagana niya ang koneksyon at pera kaya 'yung dapat na magiging offer sa akin, wala na. Pero ayos lang. Maghahanap na lang ako ng ibang trabaho." Ang akala ni Amanda ay papagalitan siya ni Sylvia. Pero hindi na lang nagkumento pa ito at hinayaang makakain ng payapa si Amanda. ISANG GABI sa rooftop ng ospital, naisipan ni Amanda ang magpahangin doon. Habang abala sa pagtanaw sa mga gusali sa ibaba, dumating bigla si Harry na nakaputing coat pangdoktor. "Doc Harold, ikaw pala." Piniling maging pormal ni Amanda. Parang nahiya kasi siya nang huli nilang pagkakasama na tinawag niya itong Kuya. Tapos dumating pa si Theo. Kumunot ang noo ni Harold. "Bakit ang formal mo na naman sa akin, Mandie? Kuya Harry lang ang tawag mo sa akin noong isang araw, eh." Napaiwas siya. "Ah, pasensya na, Kuya. Syempre, doktor ka pa rin naman dito. Nakakahiya naman." "Tss. Alam mo namang wala lang sa akin 'yon. Bakit parang nahihiya ka sa akin bigla, huh? Nasaan na 'yung batang kasama ko noon na nagtatayo ng tent sa labas ng bahay? 'Yung batang mahilig sa ice cream at cookies?" Napatawa ito. "Ah, good old days. Miss na miss ka na nga ni mommy ang kakulitan mo, eh..." Ngumiti na lang si Amanda. Kahit papaano ay gumaan ang pakiramdam niya. "Kuya Harry talaga..." "'Yan, ngumiti ka rin." Ilang segundong katahimikan muna ang namagitan sa kanilang dalawa. Hanggang sa nagpasya si Harry na basagin iyon at may kinuha sa loob ng bulsa. Isa iyong bank card na siyang ipinagtatakha ni Amanda. Inilahad iyon ni Harry sa kaniya. "May sapat na perang laman ang card na 'yan. Kakasya nang pampagamot sa Papa mo." Kaagad na umiling si Amanda. "Hindi ko matatanggap 'yan, Kuya. At tsaka, kaya ko namang kumita at magtrabaho, eh." Dumako ang tingin ni Harry sa kamay ni Amanda na puro na band aid. Nagkandasugat sugat na siya dahil sa pagpapractice ng violin at pagtutugtog sa iba't ibang event na may kahit kaunting pasahod. "Hindi mo kailangang magtrabaho ng sobra, Mandie. 'Wag mong masyadong pinapagod ang sarili mo." "'Wag kang mag-alala sa akin, Kuya. Kaya ko ang sarili ko. At tsaka, 24 na ako. Hindi na ako bata na laging umaasa na lang sa pamilya. Natututo na akong tumayo sa sarili kong mga paa," pag-aassure niya rito. PAGABI NA NAMAN. Bitbit ang violin sa likuran, nanginginig si Amanda habang naglalakad sa kalsada pagkagaling sa isang raket. Tumugtog ulit siya sa isang event. Mahaba ang duration kaya nananakit din ang mga kamay niya. Pagod na rin siya kakalakad. Habang binabaybay ang daan papunta sa sakayan, nadaanan ni Amanda ang isang open shop kung saan rinig na rinig ang malakas na volume ng TV. Hindi niya maiwasang mapatigil nang masilayan ang pamilyar na mukha sa screen. Si Theo iyon tulak-tulak ang wheelchair ng isang babaeng pamilyar sa kaniya. Si Sofia. Kumuyom ang kamao niya habang nakikita kung gaano ingatan ni Theo si Sofia upang pigilan ang ilang reporters sa pagdumog sa kanila. Umiiwas si Theo sa mga katanungan pero halatang gustong-gusto ni Sofia ang atensyon at nakangiti sa harap ng camera. "Kumusta ang inattend'an niyong event ng magkasama? At ano nga ba ang real score sa inyong dalawa?" Si Sofia ang mabilis na sumagot. "Maganda at nakakaenjoy ang event. Marami akong natutunan. At hiling ko rin na sana matuto pa ako mula sa musical genius na si Klarisse Virtucio. I'm sure naman tutulungan ako ni Theo since we're special with each other, diba?" Sinulyapan niya si Theo at ngumiti ng makahulugan.HINDI ALAM ni Amanda kung paanong natapos niya ang isang tugtog kahit pa medyo distracted siya ngayon. Kagabi, dahil sa napanuod niya, parang hindi siya makapag-function bigla. Pero hindi dapat niya iniisip iyon. Kailangan niyang magfocus sa mga bagay na mas kailangang pagtuonan ng pansin.Habang ilinalagay niya sa case ang kaniyang violin, natapunan ng pansin ni Amanda ang babaeng tila naghihintay sa kaniya sa labas. Bahagya siyang napatigil sa paggalaw.Ang isa pang Mrs. Torregoza, si Therese na ina ni Thek.Napatuwid ng tayo si Amanda dahil nakatingin sa kaniya ang ginang na para bang siya ang hinihintay. Kaya naman noong lumabas na siya, kaagad siyang sinalubong ni Therese na may seryosong ekspresyon sa mukha."May magandang coffee shop sa labas, baka gusto mong magkape muna bago pumunta sa kung saan ang susunod mong pupuntahan?"Nagulat si Amanda sa pag-anyaya ni Therese. Pero tumango pa rin siya. Kung anong pakay ngayon sa kaniya ng ina ni Theo, hindi niya alam. Naunang maglakad
SA ISANG French restaurant tumugtog si Amanda. Bigatin ang mga bisita sa lugar kaya hindi niya mapigilang malula. May mangilan-ngilan pang nag-aalok sa kaniya na maka-table siya at willing doblehin ang bayad sa kaniya pero magalang lamang na tumanggi si Amanda.Pasado alas diez na ng kausapin siya ng manager ng restaurant. Mukha namang satisfied ito sa naging performance ni Amanda at talagang nagbigay pa ng tip bago ito umalis.Nang nakalabas siya sa restaurant ay napatigil siya matapos marinig ang pagtawag sa kaniyang pangalan."Mandie!"Bahagyang nagulat si Amanda nang mapagtantong ang Kuya Harry niya pala iyon. Naka-park ang kotse nito malapit sa direksyon niya."Ihahatid na kita, Mandie. Gabi na, oh," ani Harry at pinagbuksan pa siya ng pintuan ng kotse nito.Gusto mang tumanggi ni Amanda dahil nakakahiya naman pero mas nakakahiya naman kung paghintayin pa niya si Harry. Kaya kaagad siyang pumasok sa kotse nito. May kung anong kinuha si Harry sa backseat at inabot iyon kay Amanda
UMIGTING ANG PANGA ni Theo at tila nagtitimpi hanggang nakapasok na nga si Amanda sa loob ng tinutuluyan nito. Naiinis siya sa sarili dahil kailangan niyang pigilan ang asawa sa kagustuhan na makipagdivorce sa kaniya, na hindi dapat simula't sapul palang.Ang laki na ng pinagbago ni Amanda. Hindi na ito ang babaeng pinakasalan niya, ang babaeng willing sundin lahat ang kagustuhan niya... ang babaeng kayang gawain lahat ng mga pinapagawa niya.Ibang-iba na siya at hindi gusto ni Theo iyon. Kahit ano na yatang gawin niya para mapabalik si Amanda sa puder niya, mukhang wala na talagang balak ang babae na baguhin ang desisyon. At ayaw niya iyon! Hindi pwedeng ganito. Si Amanda lang ang babaeng kayang tumiis sa kaniya. Kaya kailangang sa kaniya lang ito at hindi mapupunta sa iba.NANGINGINIG ANG tuhod ni Amanda habang papasok sa bahay matapos mabilis pulutin ang lunchbox na bigay sa kaniya ni Harry kanina. Hindi man lang niya namalayan na nabitawan niya iyon kanina. Naiinis siya lalo kay
NALAMAN NI Theo na tutugtog si Amanda sa isang hotel and restaurant na pagmamay-ari ng nababalitang boyfriend ng kaibigan nitong si Loreign na si Elliot. Pina-arrange na ni Theo ang schedule niya sa secretary kaya malaya siyang makakapagpunta sa lugar.Bahagyang nagulat si Secretary Belle sa change of plans na biglaan ni Theo pero ano pa nga bang magagawa niya? Ginawa na lang niya ang trabaho niya.Mga alas nueve ng gabi ay nakarating na sa hotel si Theo. Kaagad niyang namataan ang kababatang si Jaxon. Nakaupo sila sa isang upuan kasama na rin si Elliot habang may mga beer na sa lamesa. Mukhang nagsimula na silang mag-inuman.Ilan sa mga kababaihan doon ay mga famous models din. Mukhang bigatin din talaga ang mga guests dahil ang ilan ay mula sa mga maimpluwensyang mga tao sa bansa.Si Elliot ang siyang unang nakapansin sa presensya ni Theo. "Wow! This is unexpected! Theo Torregoza is in the house, everyone! Napaka-rare ng pangyayaring ito!" natatawang aniya. "Pero actually, may mas r
HABANG KARGA ni Theo sa bisig si Amanda, pumasok siya sa loob ng mansion. Kaagad siyang sinalubong ng isa sa mga katulong na bahagya pang nagulat nang makita na karga niya si Amanda."Naku! Nagbalik na pala si Ma'am!" Bulalas ng katulong na hindi na gaano pang pinansin ni Theo."Ipaghanda mo ang Ma'am mo ng mainit na sabaw," utos na lang ni Theo."Sige po!" Natarantang ani ng katulong pero halatang natuwa pagkakita na pagkakita kay Amanda. "Ah, ano pong nangyari pala kay Ma'am, Sir?" pang- uusisa pa nito."Lasing lang. Sundin mo na ang pinauutos ko," saad ni Theo bago nilagpasan na lang ang katulong na tila may katanungan pa ngunit hindi na isinaboses pa.Habang papaakyat sa hagdan ay halos mapatigil si Theo nang marinig niyang magsalita si Amanda. Paulit-ulit lang nitong binabanggit ang pangalan niya."T-Theo... Theo..." halos pabulong na anas nito. At marahil lasing, nagawa ni Amanda na ibalot nang mahigpit ang kamay sa leeg ni Theo, takot na baka mahulog. Pakiramdam ni Theo ay naw
KINAUMAGAHAN, NABIGLA si Theo nang madama si Amanda na inaapoy ng lagnat. Namumutla rin ito kaya nataranta siya at tila hindi alam ang gagawin nang madama niya ang noo nito. Nang nahimasmasan si Theo ay kaagad siyang bumaba at hinanap ang isang katulong sa bahay. Nang makita ay kaagad niya itong inutusan. "Tawagan mo si Dr. Ramos. Papuntahin mo siya dito, ngayon din." Kumunot ang noo ng katulong. "Bakit po? Masama po ba ang pakiramdam niyo?" tanong pa nito. "Hindi ako. Si Amanda ang masama ang pakiramdam. Pakisabi bilisan niya." Suminghap ang katulong sa nalaman at dali-daling sumunod sa pinapagawa ni Theo. Bumalik na rin si Theo sa taas at hinintay ang pagdating ng doktor. Makaraan ang isang oras, dumating na rin sa wakas si Dr. Ramos. Kaagad inexamine ng doktor si Amanda at nang matapos ay ibinalita kay Theo ang findings nito. "Hindi naman gaanong seryoso, Mr. Torregoza. Kailangan lang ng sapat na pahinga at nutrisyon ng asawa niyo dahil mukhang pagod na pagod siya," ani
HINDI NA ALAM ni Amanda kung ano ang mangyayari sa sarili at kung bakit siya pumayag sa gusto ni Theo. Mas maliwanag pa sa araw na hindi na dapat siya pumayag pero ginawa pa rin niya! Kailangan niya lang naman talaga ng pera, eh. At tsaka kahit papaano ay mabait ang lola ni Theo sa kaniya. Hindi siya nito itinuring na iba nung mga panahong maayos pa sila ni Theo."Magkano na lang ba ang kinikita mo sa pagtugtog sa French restaurant na 'yon? Ang balita ko, fling ng kaibigan mo ang may-ari no'n, ah?" Nakangising sabi ni Theo na tila may pang-iinsulto. "'Wag mong sabihing pati karelasyon ng kaibigan mo, tatalunin mo?"Kumunot ang noo ni Amanda. "Ano bang pinagsasabi mo? Ang dumi-dumi mo talaga mag-isip, Theo!""Hindi ako madumi mag-isip, sinasabi ko lang kung ano ang nakikita ko.""Pwes, mali 'yang nakikita mo! At 'wag na 'wag mo akong sabihan ng ganiyan dahil hindi ko kwinekwestyon ang kung anong meron kayo ni Sofia!"Ngumisi si Theo. "Ibinabalik mo na naman sa akin ang usapan."Hindi
"TUMAWAG KA daw kanina sa isa sa mga katulong ni Theo sa mansion?" Tanong agad ni Amanda pagkarating na pagkarating niya sa bahay.Kumunot ang noo ni Sylvia. "Huh? Hindi naman. Bakit?"Napaisip si Amanda. Kung hindi naman pala, siguro nagsinungaling ang katulong kanina para tulungan siya. Siguro na-sense ng katulong na kailangan niyang makaalis sa eksenang iyon kanina kasama si Theo. "Wala naman, Ma. Sige, pahinga na po muna ako," paalam na lang ni Amanda sabay alis doon. Hindi naman na siya kinausap pa ni Sylvia. Kinagabihan ay nakatanggap siya ng mensahe galing kay Theo. Ayaw pa naman niya sanang basahin iyon pero huli na dahil nagflash iyon sa screen.Theo: [Bukas na bukas, pupuntahan natin si Lola. Itetext ko sa 'yo ang address ng pagmi-meet'an natin.]Napabuga na lang ng hangin si Amanda. Oo nga pala. Muntik na niya iyon makalimutan. Umoo pala siya sa sinabing iyon ni Theo.Maya-maya lang ay itinext na ni Theo ang address. At kasunod no'n ay ang notification na naka-received na