Kabanata 15

Matapos ang masinsinan naming pag uusap ay nanatili pa si Manang Sonya sa kwarto. Tinulungan pa ako nitong maligo at binihisan gamit ang kanyang damit na hindi na nasusuot.

"Manang, baka kapag nalaman po ng hali---- ni Maximus na tinulungan niyo ako ay baka pati po kayo malintikan." Sambit ko matapos makapagbihis. Ni hindi ko mabigkas na halimaw ang tawag ko sa tinatawag niyang Señorito.

Huminga lang ito ng malalim bago marahang hinaplos ang mukha ko. "Kilala ko ang batang iyon Thalia, katuwang ako ng abuela't abuelo nun na nagpalaki sa kanya kaya alam ko na hindi siya ganoon kasama. Marahil dala lang ng hinanakit at galit kaya siya nagkakaganun." Mapait na sambit ni Manang habang ako'y tahimik lang na nakikinig pero ang kaloob looban ko ay hindi sumasang ayon.

"Kahit naman matagal iyong nanatili sa ibang bansa para pamahalaan ang ibang mga negosyo nila ay ni minsan wala naman akong narinig o nabalitaan na may ginawa iyong kabalastugan doon." Dagdag pa ni Manang na parang mahigpit tal