Sixteenth Trip: Keychain

CLINTHON'S POV

"Kuya! Dumating ka na pala— Oh, ano nangyari sa 'yo at basang-basa ka?" gulat na sabi ng pinsan ko pagkatapos akong pagbuksan ng bahay.

Hindi ko ito pinansin at dumeretsong pumasok sa loob. Pabagsak kong inilapag ang dalang bag sa mesa saka pabagsak umupo sa sofa.

"May nangyari ba Kuya? Ba't parang bad mood ka yata? " tanong niya pagkatapos umupo sa kaharap kong upuan.

"Wala 'to," walang gana kong tugon at sabay sumandal sa sandalan ng sofa.

"Ba't 'di ka na lang maligo muna Kuya? Nang makapagpalit ka ng damit. Magkasakit ka pa niyan e!" Naramdaman ko ang paghawak niya sa aking braso at buong pwersa akong hinila patayo.

"Ba't ka kasi nagpaulan, Kuya? Siguradong nakita ko kaninang umaga, may dala kang payong. Ba't hindi mo 'yon ginamit?" singhal niya sa akin nang asar akong tumayo mula sa pagkakaupo.

Kunot-noo ko siyang binalingan. "Ibinigay ko sa babaeng pangit, tsk!"

Padabog kong kinuha ang sariling bag mula sa ibabaw ng mesa at pumanhik patungo sa aking kuwarto.

"Ba