Chapter 11

Sinunggaban ako ng yakap nila Sorrel at Trina. Pati na rin ni Xanthus habang si Aina ay natatawa lang sa kanila. Napanguso ako sa ginawa nila.

"Sabi ko na nga ba darating ka!" masayang sabi ni Sorrel.

"You're late! Kainis ka!" Humalukipkip si Trina. Napabuntong-hininga na lang ako. Buti nga dumating pa, 'di ba?

"Sama ka na lang sa amin, Hez. Huhuhu 'di ko kayang mawala kayo." Binatukan ko si Xanthus dahil sa sinabi niya kaya napanguso ito.

"Ang OA mo, Xanthus!" naiiling na sabi ko at umupo sa tabi ni Aina. Inabutan niya ako ng alak.

"Isama niyo na rin kasi si Saint at Timo! Ayokong ako lang ang magbabantay!" nakangusong sabi ni Xanthus pero walang pumansin sa kanya.